میلیا چییە؟

ناساندن

میلیا (بە ئینگلیزی: milia) بریتییە لە کیسی بچووک یان زیبکەی بچووکی سپی یان زەرد کە لەسەر پێست دەردەکەوێت، بە تایبەتی لەسەر دەموچاو. زۆرجار بە پەڵەی شیر ناودەبرێن و بە شێوەیەکی گشتی لە منداڵانی تازە لەدایکبوودا دەبینرێن، بەڵام دەتوانن لە پێستی تاکەکانی هەر تەمەنێکدا ڕووبدەن و دەربکەون. میلیا بەهۆی گیربوونی کیراتین کە پڕۆتینێکە لە خانەکانی پێستدا هەیە لە ژێر ڕووی پێستەوە دروست دەبێت. 

ئایا میلیا زیانی هەیە؟

• میلیا بە گشتی بێ زیانن و نابنە هۆی ئازار و خووران و سووربوونەوە.
• میلیا سەرەتاییەکان لە منداڵە تازە لەدایکبووەکاندا باون و زۆرجار لە ماوەی چەند هەفتەیەکدا لەسەر خۆیان چارەسەر دەبن.

هۆکارەکانی دروستبوونی میلیا

• بەهۆی کۆبوونەوەی پێستی مردوو دەردەکەوێت.
• ناتەواوی لە سیستمی بەرگری لەش.
• گیرانی کونیلە چەورییە ڕژێنەکانی لەش.
• پاک نەکردنەوەی ڕووخسار بە باشی و گرنگی نەدان بە پێست.
• زگماکی و بۆماوەیی.
• بەکارهێنانی هەندێک دەرمان کە کاریگەری لەسەر پێست دروست دەکات.
• هەبوونی نەخۆشییەکی تری پێست.

چارەسەری میلیا

زۆر جار پێویست بە دەرمان ناکات و خۆی چارەسەر دەبێت. بەڵام دەکرێت ئەم دەرمانانە بەکاربهێنرێت کە لەلایەین دکتۆر بۆت دانرابێت:

• چارەسەرکردن بە دەرمانەکانی کۆمەڵەی (Retinoid) بۆ نموونە Acretin )(Tretinoin)0.05%,0.025%)
• بەکارهێنانی غسول و پاککەرەوەی دەمووچاوی گونجاو بۆ پێست.
• چارەسەری بەدەرهێنانی میلیا.
• چارەسەری بە تەقشیری کیمیایی.
• بەکارهێنانی هەڵمی گەرم بۆ کردنەوەی کون و دەرچەکانی میلیا.
• هەندێک جار ئەگەر میلیاکە تووشی هەوکردنی لەگەڵ بێت دژە بەکتریای بۆ بەکاردێت (Antibiotics)

سەرچاوەکان

1. ئینسایکلۆپیدیای زانیاری